Qərbi Kaspi Universitetinin tələbələri Bakı Beynəlxalq Kitab sərgisində iştirak ediblər.
23 oktyabr tarixində Filologiya (Azərbaycan dili və ədəbiyyatı) ixtisası üzrə II kurs tələbələri XII Bakı Beynəlxalq Kitab Sərgisində iştirak etmişdir.
Ziyarət çərçivəsində tələbələr üçün mədəni-maarifləndirici proqram təşkil olunmuşdur.
Tələbələr görkəmli yazıçı Anarla təşkil olunan görüşdə və imza saatında iştirak etmiş, tanınmış yazıçı və şair Seyran Səxavətlə görüş və xatirə fotosu çəkdirmiş, müxtəlif yerli və xarici nəşriyyatların fəaliyyəti, həmçinin yeni nəşr olunmuş kitab və dərsliklərlə yaxından tanış olmuşlar.
Sərgi çərçivəsində keçirilən görüşlər tələbələrin ixtisas biliklərinin artırılması və müasir ədəbi proseslərlə tanışlığı baxımından mühüm əhəmiyyət kəsb etmişdir.
