Qərbi Kaspi Universitetində elmi seminar keçirilib
Qərbi Kaspi Universitetinin elmi kitabxanasında psixologiya ixtisası üzrə təhsil alan tələbələrin iştirakı ilə elmi seminar keçirilib. B.ü.f.d. Natəvan Kərəmovanın elmi rəhbərliyi ilə baş tutan seminarda “Psixologiya müasir dünya ədəbiyyatında” mövzusu ətrafında müzakirələr aparılıb.
Seminarda psixologiyanın insan həyatına təsiri, beynin funksionallığı və insan intellektinin inkişaf yolları kimi mühüm mövzulara toxunulub. Eyni zamanda psixologiyanın müasir dövr ədəbiyyatında necə təsvir olunduğu, bu təsvirlərin elmi və psixoloji reallıqlarla nə dərəcədə uyğun gəldiyi haqqında ətraflı müzakirələr aparılıb.
Tələbələr beynin müxtəlif funksiyalarının insan həyatında oynadığı rol və psixologiyanın bu sahədə ortaya qoyduğu yeni nəzəriyyələr barədə fikirlərini bölüşüblər. Bundan əlavə, insan intellektinin inkişafı və bu sahədəki ən son elmi nailiyyətlər də seminarın müzakirə mövzuları arasında yer alıb.
