Qərbi Kaspi Universitetində ingilis dilində danışıq klubu təşkil olunub
Qərbi Kaspi Universitetində İngilis dili mərkəzinin müəllimlərinin iştirakı ilə danışıq klubu təşkil olunub.
Universitet tələbələrin dil bacarıqlarını inkişaf etdirmək məqsədilə hər həftə ingilis dilində danışıq dərsləri keçirir. Həftənin çərşənbə günü baş tutan dərslərdə müxtəlif fakültələrdən və hər səviyyədən olan tələbələr iştirak edə bilərlər.
Peşəkar müəllimlər tərəfindən aparılan danışıq dərslərinin məqsədi tələbələrin xarici dil biliklərini daha da təkmilləşdirmək və müxtəlif mövzularda ingilis dilində müzakirələr aparmaqla praktiki təcrübə qazanmaqlarına kömək etməkdir.
Kluba qatılmaq istəyən tələbələr hər həftənin çərşənbə günü saat 11:00-da Əhməd Rəcəbli korpusunun 501 saylı auditoriyasına yaxınlaşa bilərlər.
