Qərbi Kaspi Universitetində "Xəzər Akademik Ekspedisiyası" proqramı yekunlaşıb
Qərbi Kaspi Universiteti ilə Almaniyanın Schmalkalden Tətbiqi Elmlər Universiteti arasında əməkdaşlıq çərçivəsində, DAAD mübadilə proqramı üzrə 4-9 noyabr tarixləri arasında Qərbi Kaspi Universitetində keçirilən "Xəzər Akademik Ekspedisiyası - Azərbaycanın zəngin təhsil və sənaye tarixini və onun regionun keçmiş və gələcək inkişafındakı rolunu araşdırmaq" proqramı yekunlaşıb.
Bununla bağlı iştirakçı tələbələrlə görüş keçirilib və onlara sertifikatlar təqdim olunub. Proqram çərçivəsində Schmalkalden Tətbiqi Elmlər Universitetinin tələbələri Azərbaycan dili, tarixi, mədəniyyəti və ədəbiyyatı, eləcədə milli mətbəximiz ilə tanış olublar. Əlavə olaraq, paytaxtımızın görməli yerlərini, tarixi abidələrini və muzeylərini ziyarət ediblər.
