Qərbi Kaspi Universitetində yaşıllaşdırma ilə bağlı seminar keçirilib
Qərbi Kaspi Universitetində Ekologiya və ətraf mühit kafedrasının təşkilatçılığı ilə “Yaşıl dünya naminə həmrəylik ili” çərçivəsində seminar keçirilib. Tədbirdə "Azərbaycan yaşıllaşdırma və landşaft quruluşu" Açıq Səhmdar Cəmiyyətinin sədr müavini Söhrab Abbasov və ASC-nin “Yaşıllaşdırma” şöbəsinin müdiri Elşən Səmədzadə Bakı şəhəri ətrafı, Qarabağ zonası və magistral yol kənarlarında yaşıllıq zolaqlarının salınması istiqamətində aparılan işlər barədə və yaşıllaşdırmada tətbiq olunan son texnologiyalar barədə geniş məlumat veriblər.
Seminar zamanı tələbə və müəllim heyəti tərəfindən ASC-nin əməkdaşlarına suallar ünvanlanıb. ASC-nin sədr müavini S. Abbasov meşəçilik ixtisasında təhsil alan tələbələri cəmiyyətin istehsalat sahələrində aparılan işlərlə tanış olmağa dəvət edib.
