Qərbi Kaspi Universitetinin elmi tədqiqat mərkəzlərinin hesabatları keçirilib
4 noyabr 2024-cü il tarixində Qərbi Kaspi Universitetinin Beynəlxalq Materialşünaslıq və Texnologiyalar Mərkəzinin (International Center for Materials Sciences and Technology) və İqtisadi Tədqiqatlar Mərkəzinin (Economic Resource Center) hesabatı baş tutub.
Beynəlxalq əhəmiyyətli mərkəzlərdə dünyanın müxtəlif ölkələrindən olan tanınmış alimlər bir araya gələrək müxtəlif elm sahələrində tədqiqatlar aparır və onların elmi məqalələri nəşr edilir.
Baş tutan tədbirdə tədqiqat qruplarının məruzələri dinlənilib, növbəti layihələr və elmi tədqiqat işlərinin müzakirələri aparılıb. Hesabatda dos. Yusif Alıyev, prof. Ashaq Malik, prof. Dılshod Hudayberganova, prof. Gül Esra, İbrahim Sapayev, prof. Cem Işık, prof. Vishwambhar Prasad Sati, prof. Mohamed Elshikh, Afsun Abiyev və digər yerli və xarici əməkdaşlar iştirak ediblər.
Hesabatdan sonra iştirakçılar Materialşünaslıq və Texnologiyalar üzrə Beynəlxalq Mərkəzin Smart Materialların Sintezi Laboratoriyası ilə tanış olublar. Qonaqlara laboratoriyadakı cihazlar və onların iş prinsipləri haqqında ətraflı məlumat verilib.
