Universitetimizdə multikulturalizm mövzusunda tədbir keçirilib
Qərbi Kaspi Universitetində Birləşmiş Ərəb Əmirliklərinin Manara mərkəzinin “Birgə yaşayış işıqları” layihəsi çərçivəsində seminar keçirilib. Tədbirdə alban-udi xristian dini icmasının sədri Robert Mobili “Alban-udi xristian icması Azərbaycan multikulturalizm modelində: Alban kilsəsi, tarix və müasirlik” mövzusunda təqdimat edib.
Seminarda universitetin Qəyyumlar Şurasının sədri Hüseyn Bağırov, müəllim və tələbə heyəti iştirak edib. Tədbir zamanı Robert Mobili alban-udi xristian icmasının tarixindən, Azərbaycanın multikulturalizm modelindəki rolundan və Alban kilsəsinin mədəni-tarixi əhəmiyyətindən bəhs edib.
Mövzu ətrafında maraqlı müzakirələr aparılıb və iştirakçıların sualları cavablandırılıb. Seminar dinlərarası harmoniya və mədəni müxtəliflik anlayışlarının önəmini vurğulamaqla yanaşı, Azərbaycanın multikulturalizm siyasətinin beynəlxalq səviyyədə təbliğinə töhfə verib.
