Universitetimizin tələbələri "Yaşıl dünyanı yarat!" layihəsinə qatılıb
Qərbi Kaspi Universitetinin tələbələri "Yaşıl Dünyanı Yarat! - ASAN İnnovativ Həllər Hakatonu 3" layihəsində iştirak edib. Layihəyə "Eco Queens" və "EnviroVision" komandaları ilə qatılan tələbələr ətraf mühitin ekoloji baxımdan mühafizəsi, işğaldan azad edilmiş ərazilərdə ekoloji sağlamlığın bərpası kimi mövzularda layihələr təqdim ediblər.
"ASAN Könüllüləri" Təşkilatı tərəfindən həyata keçirilən layihə çərçivəsində iştirakçılar üçün Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi, "ASAN xidmət", "ABAD", "İNNOLAND" İnkubasiya və Akselerasiya Mərkəzi, ASAN İnnovativ İnkişaf Mərkəzi və "ASAN Könüllüləri" Təşkilatı haqqında məlumatlandırıcı tur təşkil edilib.
Layihənin ilk günündə “İNNOLAND” İnkubasiya və Akselerasiya Mərkəzi tərəfindən "İdeya generasiyası" mövzusunda təlim həyata keçirilib. Sonda iştirakçılar komanda şəkilində öz ideyaları ilə bağlı müzakirələr ediblər.
