Qərbi Kaspi Universiteti müəllim və tələbələrin tədqiqatları üçün yeni layihələrə başlayır
Qərbi Kaspi Universiteti müəllim və tələbələrin tədqiqatları üçün yeni layihələrə başlayır. Universitet bu layihələri bir sıra tərəfdaşlarla əməkdaşlıq şəraitində həyata keçirəcək.
Bununla bağlı universitetdə keçirilən görüşdə “Azərbaycan Kibertəhlükəsizlik Təşkilatları Assosiasiyası”nın idarə heyətinin sədri Elvin Balajanov, “A2Z Technologies” şirkətinin kommersiya şöbəsinin müdiri Anar Hümbətov və “Cyberpoint” şirkətinin marketinq və satış şöbəsinin müdiri Mehman İsgəndərovla müzakirələr aparılıb.
Görüş zamanı əməkdaşlıq əlaqələrinin əhəmiyyəti və perspektivləri, eyni zamanda tələbələr üçün təcrübə və iş imkanları nəzərdən keçirilib.
