Qərbi Kaspi Universitetində Məhəmməd Füzulinin 530 illik yubileyi qeyd olunub
Qərbi Kaspi Universitetində görkəmli Azərbaycan şairi Məhəmməd Füzulinin 530 illik yubileyi münasibətilə tədbir keçirilib. Tədbirdə fəxri qonaq qismində Azərbaycan Milli Elmlər Akademiyasının Rəyasət Heyəti Aparatının insan resursları şöbəsinin müdiri, filologiya üzrə fəlsəfə doktoru Aynur Mahmudova və AMEA-nın Ədəbiyyat İnstitutunun, Füzulişünaslıq sektorunun dosenti, filologiya üzrə fəlsəfə doktoru Zəkulla Bayramlı iştirak ediblər.
Tədbir çərçivəsində dahi şairin həyat və yaradıcıllığı haqqında videoçarx nümayiş olunub. Tədbirdə Qərbi Kaspi Universitetinin Xor kollektivi "Füzuli kantatası" və "Leyli və Məcnun" operasından "Şəbi-hicran" xorunu ifa edib. Bundan əlavə, universitetin tələbələri Füzulinin əsərləri əsasında ədəbi-bədii kompozisiyalar nümayiş etdirib və onun şeirlərini səsləndiriblər. Tədbirin sonunda iştirakçı tələbələrə sertifikatlar təqdim olunub.
