Qərbi Kaspi Universitetində " Novruz" tədbiri keçirildi
Qərbi Kaspi Universitetində "Novruz" bayramı münasibətilə tədbir təşkil olundu. Tədbirdə universitet rəhbərliyi, müəllimlər və tələbələr iştirak edərək, baharın gəlişini böyük coşqu ilə qeyd etdilər. Tədbir ənənəvi adət-ənənələrimizi yaşatmaq, bayramın ruhunu tələbələrə aşılamaq və birlikdə bayram sevincini bölüşmək məqsədi daşıyırdı.
Şənlik universitetin Xor kollektivinin möhtəşəm ifası ilə başladı. Onların təqdim etdiyi musiqi nömrələri bayramın əhval-ruhiyyəsinə xüsusi rəng qatdı və tamaşaçılar tərəfindən gurultulu alqışlarla qarşılandı. Daha sonra tələbələrin ifasında milli rəqslər səhnəyə qoyuldu. Rəqs kollektivinin təqdim etdiyi milli rəqslər bayram ab-havasını daha da canlandırdı.
Baharın gəlişi sevinclə qarşılandı və tədbir iştirakçılarına unudulmaz xatirələr bəxş etdi.
