Qərbi Kaspi Universitetinin 4 komandası “Steam Azərbaycan-2022”nin qalibi olub
Bu il STEAM Azerbaijan Festival-2022 – Elm və Təhsil Nazirliyinin dəstəyi ilə STEAM Azərbaycan layihəsi çərçivəsində beynəlxalq formatda təşkil edilib.
Qərbi Kaspi Universitetinin üç komandası festivalın birinci mərhələsinə qatılmış 138 komanda arasında ən yaxşı 27 komanda sırasına düşərək, finala vəsiqə qazanıb. Eyni zamanda Qərbi Kaspi Universitetinin orta məktəbinin komandası finalda çıxış etmək hüququ qazanıb.
Komandalarımızdan ikisi Hakaton (ali məktəb) kateqoriyasında birinci və ikinci yerə, biri İnnovasiyalar kateqoriyasında birinci yerə layiq görülüb. Eyni zamanda orta məktəb komandamız mexatronika kateqoriyasında uğurla çıxış edərək qızıl medal qazanıb.