Qərbi Kaspi Universitetinin Tələbələri Üçün Almaniyada Təqaüdlə Təhsil İmkanı
Qərbi Kaspi Universiteti və Almaniyanın Şmalkalden Universiteti arasında Erasmus+ çərçivəsində imzalanmış tərəfdaşlıq müqaviləsi əsasında, 2024/2025 akademik ilinin yaz semesterində Qərbi Kaspi Universitetinin bakalavr tələbəsi Almaniyada təhsil almaq imkanı qazanır.
- Təhsil müddəti: 4 ay
- Təqaüd: Hər ay üçün 850 avro (yaşayış xərclərini qarşılamaq məqsədilə)
- Səyahət xərcləri: Erasmus+ proqramı tərəfindən qarşılanacaq
Müsabiqədə İştirak Üçün Tələblər:
- Qərbi Kaspi Universitetinin Biznes və İqtisadiyyat, Kompüter Elmləri, Cihaz Mühəndisliyi bölmələrində II və III kurs tələbələri iştirak edə bilərlər.
- Müsabiqədə iştirak etmək üçün B2 səviyyədə ingilis dili biliyi mütləqdir.
- Ümumi Orta Müvəffəqiyyət Göstəricisi: 100 üzərindən 75 və daha yüksək
Proqramda iştirak üçün heç bir ödəniş tələb olunmur. Tələbələr ingilis dilində CV və Motivasiya məktublarını erasmus@wcu.edu.az ünvanına göndərə bilər və ya beynəlxalq əlaqələr şöbəsinə (Qərbi Kaspi Universiteti, Əhməd Rəcəbli küçəsi 21, 111-ci otaq) yaxınlaşa bilərlər. Son müraciət tarixi: 30.01.2025
Əlavə suallar üçün erasmus@wcu.edu.az elektron poçt ünvanı ilə əlaqə saxlaya bilərsiniz.