Qərbi Kaspi Universitetinin tələbələrinə Malayziyadan mükafat təqdim olunub
Malayziya İdarəetmə və Elm Universitetinin təşkilatçılığı ilə 2–4 dekabrda Malayziyanın Selanqor ştatının Şah Alam şəhərində keçirilən “IREX IDEA Generation EXPO 2024” beynəlxalq tədbirində Qərbi Kaspi Universitetinin tələbələri gümüş medala layiq görülüblər.
Medal Qərbi Kaspi Universitetinin tələbələri Sahib Şərifli, Nağı Məmmədli və Fərid Məmmədliyə “CCRobot” ixtiralarına görə təqdim olunub. Layihə korbon qazının avtonom robotik maşınla zərərsizləşdirilməsi funksiyasını daşıyır. Tələbələr Malayziya İdarəetmə və Elm Universiteti tərəfindən sertifikatla təltif olunublar.