Qərbi Kaspi Universitetinin Xor kollektivi beynəlxalq festivalda!
Qərbi Kaspi Universitetinin Xor kollektivi 22-24 dekabr tarixlərində keçirilən "World Harmony" VII Beynəlxalq festivalı çərçivəsində Üzeyir Hacıbəyli adına Bakı Musiqi Akademiyasında çıxış edib.
Müxtəlif kateqoriyalar üzrə musiqiçilərin iştirak etdiyi festivalda universitetimizin xor kollektivi 3 əsər ilə yer alıb. Klassik musiqi ilə milli folklorun təbliği məqsədilə keçirilən festivalda tələbələrimizin ifası böyük maraqla qarşılanıb.
Qeyd edək ki, Qərbi Kaspi Universitetinin Xor kollektivi bu festivalda musiqiçi tərkibli kollektivlər arasında yer alan yeganə iştirakçı olub.
