Tələbələrimiz memar Rafael Həsənov haqqında sənədli filmin nümayişində iştirak edib
Bakıdakı Rus evində Əməkdar incəsənət xadimi, Dövlət mükafatı laureatı, professor Rəfael Həsənova həsr olunmuş “Dizayn insanı” sənədli filminin təqdimatı keçirilib. Nümayişdə Qərbi Kaspi Universitetinin Dizayn məktəbinin müəllim və tələbələri də iştirak ediblər.
Filmdə Rafael Həsənovun ailə üzvləri, yaxın dostları və həmkarları onun Bakının memarlıq tarixindəki əvəzsiz xidmətlərindən söz açıb və memarla bağlı xatirələrini bölüşüblər. İnnovativ layihələrin müəllifi olan və ölkəmizdə sənaye dizaynının inkişafında böyük rol oynayan R. Həsənov Azərbaycan SSR Dizaynerlər İttifaqının rəhbəri olub.
