Qərbi Kaspi Universiteti Beynəlxalq Müdafiə “ADEX” sərgisində iştirak edib
Sentyabrın 6-da işə başlayan IV Azərbaycan Beynəlxalq Müdafiə “ADEX” və XIII Beynəlxalq Daxili Təhlükəsizlik, Mühafizə və Xilasetmə “Securex Caspian” sərgiləri başa çatıb. Sərgilərdə dünyanın 30-a yaxın ölkəsindən 200-dən çox şirkət iştirak edib. “ADEX” müdafiə sərgisinin iştirakçıları arasında Türkiyə, Rusiya, İran, Bolqarıstan, Çin, Fransa, İtaliya, Niderland və digər ölkələrin müdafiə sektorunun aparıcı şirkətləri olub.
Sərgidə Qərbi Kaspi Universiteti də iştirak edib və universitetin Texnoparkında işlənən layihələr sərgilənib. Tələbələrimizin hazırladıqları müxtəlif prototiplər ziyarətçilər tərəfindən böyük maraqla qarşılanıb.
