Astronomlar yeni ekzoplanet kəşf ediblər
Beynəlxalq astronomlar qrupu NASA-nın Transit Exoplanets Survey Satellite (TESS) peykindən istifadə edərək kiçik ölçülü M ulduzun ətrafında fırlanan yeni Sub-Neptun ekzoplanetini aşkar etdi. TOI-2406 b olaraq təyin olunan yeni dünyadan kənar ekzoplanet, Yerdən təxminən üç dəfə böyükdür. Kəşf barədə 29 iyul arXiv.org saytında nəşr olunan bir məqalədə bildirilir.
TESS, keçici ekzoplanetləri tapmaq məqsədi ilə günəşin yaxınlığındakı ən parlaq 200 min ulduz üzərində bir araşdırma aparır. İndiyə qədər, 444 -dən çox ekzoplanet müəyyən edilsə də, onlardan bu günə qədər 144 -ü təsdiqlənib.
Bu yaxınlarda, İsveçrənin Bern Universitetindən Robert Wells-in başçılıq etdiyi astronomlar qrupu, TOI-2406 olaraq bilinən ulduz ətrafında yeni bir TESS planetini təsdiqlədi.
Tədqiqatçılar məqalədə yazıblar ki, "Burada TOI-2406 orta ölçülü qalın disk ulduz ətrafında dönən Sub-Neptunun mövcudluğunun təsdiqlənməsi barədə məlumat veririk".
Yeni kəşf edilən planetin radiusu təxminən 2.94 Yer kürəsi radiusundadır. Məlumatlar göstərir ki, ekzoplanet hər 3.07 gündə bir ulduz ətrafında, təxminən 0.023 AU məsafəsində fırlanır. TOI-2406 b-nin tarazlıq temperaturu 447 K civarında idi və astronomlar onun təxmini kütləsinin 9.1 Yer kürəsinin kütləsi qədər olduğunu təxmin edirlər. Astronomlar, TOI-2406 b-nin bilinən ən böyük Sub-Neptun olduğunu qeyd ediblər.