Qərbi Kaspi Universitetinin tələbəsi Səkinə Rüstəmova YPARD Azərbaycan Bölməsinin Ölkə Nümayəndəsi seçilib
Qərbi Kaspi Universitetinin Biologiya ixtisası üzrə təhsil alan tələbəsi Səkinə Rüstəmova YPARD (Young Professionals for Agricultural Development- Kənd Təsərrüfatının İnkişafı üzrə Gənc Mütəxəssislər) Azərbaycan Bölməsinin Ölkə Nümayəndəsi təyin olunub.
O, Qərbi Kaspi Universitetində tədrisi ingilis dilində aparılan Biologiya ixtisası üzrə bakalavr təhsili alır və molekulyar biologiya, genetika, biostatistika və bioinformatika istiqamətlərində ixtisaslaşır.
S.Rüstəmova gənc mütəxəssislərin inkişafı, kənd təsərrüfatı innovasiyalarının təşviqi və gənclərin rəhbərlik etdiyi aqro-ərzaq sistemlərinin inkişafına yönəlmiş fəaliyyətlərə rəhbərlik edəcək.
Səkinə Aqrar İnkişaf Könüllüləri çərçivəsində “AgroLab” layihəsində Məlumat Analitiki və layihə iştirakçısı kimi fəaliyyət göstərir. O, bir sıra proqramlardan istifadə etməklə kənd təsərrüfatı məlumatlarını təhlil edir və məlumatlara əsaslanan yanaşmaların formalaşdırılmasına töhfə verir.
Bununla yanaşı, Səkinə gənclərin inkişafı və elmi təşəbbüslərin təşviqi istiqamətində könüllü fəaliyyət göstərir, müxtəlif liderlik və genomika proqramlarında iştirak edir.
YPARD Azərbaycan Bölməsinin Ölkə Nümayəndəsi kimi Səkinə Rüstəmova Azərbaycan gənclərini beynəlxalq kənd təsərrüfatı platformaları ilə əlaqələndirməyi, aqrotexnologiya və elmi tədqiqatları təşviq etməyi, eləcə də gələcək nəsil aqro-ərzaq liderlərinin inkişafına töhfə verməyi qarşısına məqsəd qoyub.
https://ypard.net/posts/welcoming-our-new-ypard-azerbaijan-team
