Heydər Əlirza oğlu Əliyevin anadan olmasının 96-cı ildönümünə həsr olunmuş Respublika elmi konfransı
Qərbi Kaspi Universitetində Ümummilli lider Heydər Əlirza oğlu Əliyevin anadan olmasının 96-cı ildönümünə həsr olunmuş «Azərbaycan və dünya 1991-2018-ci illərdə:müqayisəli inkişaf dinamikası» mövzusunda Respublika elmi konfransı keçiriləcək.
Konfrans aşağıdakı bölmələr üzrə aparılacaqdır:
- Politologiya və Beynəlxalq münasibətlər
- Hüquq və Psixologiya
- Pedaqogika,Ədəbiyyat və Dilçilik
- Tarix və Fəlsəfə
- İqtisadiyyat və Maliyyə
- Turizm və Ekologiya
- Kompyuter və Dizayn
- Yüksək texnologiyalar və İnnovativ mühəndislik
Konfransın dili və tələb olunan qaydalar:
- Məruzənin adı, müəllifin adı və soyadı, elmi dərəcəsi (varsa), oxuduğu və ya işlədiyi yer göstərilməli, əlaqə telefonu mütləq qeyd olunmalıdır.
- Məruzənin həcmi A4 formatlı kağızda (soldan 25 mm, sağdan 10 mm, yuxarıdan 25 mm, aşağıdan 20 mm boş sahələr saxlamaqla, 1,5 intervalla), «Word» redaktorunda 14 mm-lik Times New Roman şriftində yazılmalı və saat 10.00-dan 17.00-dək Universitetin teacher.conference@wu.edu.az e-mail ünvanına göndərilməlidir.
- Konfransın məruzələri Azərbaycan, ingilis və rus dillərinin birində olmaqla, həcmi 5-8 səhifəyə qədər ola bilər. Məruzələr yazılan dildən başqa qeyd olunan iki dildə qısa xülasəsi verilməlidir. Məruzənin adından sonra açar sözlər göstərilməlidir. Ədəbiyyat siyahısı kodlaşdırılmalıdır. Məs., [2, 34] və ya [4, 56-57].
- Məqalələr 15 aprel 2019-cu il tarixinədək yuxarıda qeyd edilən ünvana göndərilməlidir.
- Konfransın təşkilat komitəsinin ünvanı: Bakı şəhəri, Əhməd Rəcəbli parallel 321
- Əlavə məlumat almaq üçün Siyasi və İctimai elmlər məktəbinə və Universitetin Nəşriyyat - Çoxaltma Mərkəzinə (012-565-39-76) müraciət edə bilərsiniz.
Konfrans 02 may 2019-cu il tarixində saat 11.00-da Qərbi Kaspi Universitetində (ünvan: Bakı şəhəri, Əhməd Rəcəbli parallel 321) öz işinə başlayacaqdır. Qeydiyyat saat 10:30-10:50-də aparılacaq.