Beynəlxalq Əlaqələr üzrə Prorektor
Prorektorun hüquq və vəzifələri
- Azərbaycan Respublikasının qanunvericiliyinə, Universitetin Nizamnaməsinə və özünün fəaliyyət xüsusiyyətlərinə uyğun olaraq xarici ölkələrin elm və təhsil müəssisələri ilə birbaşa əlaqələrin yaradılması, inkişaf etdirilməsi və həyata keçirilməsi işini təşkil edir.
- Xarici ölkələrin elm və təhsil müəssisələri, təşkilatlar, beynəlxalq qurumlar və fondlarla birbaşa əlaqələr yaradır, əməkdaşlıq haqqında ikitərəfli və çoxtərəfli müqavilələr bağlayır.
- Beynəlxalq səviyyəli elm və təhsil layihələrinin hazırlanmasında iştirak edir.
- Bağlanan beynəlxalq müqavilələr əsasında müəllimlərin, elmi işçilərin, tələbələrin, magistrant və doktorantların mübadiləsinin həyata keçirilməsi işini təşkil edir.
- Səlahiyyətinə aid olan məsələlər üzrə beynəlxalq tədbirlərdə, konfranslarda, simpoziumlarda, görüşlərdə Universiteti təmsil edir.
- Beynəlxalq səviyyəli tədbirlərdə ali məktəb nümayəndələrinin iştirakını əlaqələndirir və təmin edir.
- Təhsil Nazirliyinin müvafiq idarəsi vasitəsilə beynəlxalq proqram və proyektlərdə Universitetin iştirakını təmin etmək üçün əməkdaşlığın üstün istiqamətlərinin hazırlanmasını təşkil edir.
- Azərbaycan Respublikası Təhsil Nazirliyi və Dövlət Miqrasiya Xidməti ilə sıx əməkdaşlıq edilməsi və əcnəbi tələbələr haqqında onların məlumatlandırılması işini təşkil edir.
- Universitetə daxil olan əcnəbi tələbələrin müvəqqəti yaşamaq üçün sənədlərinin toplanması və miqrasiya xidmətinə təhvil verilməsi işini təşkil edir.
- Xarici tələbələrin tədris-tərbiyə və metodiki işlərinə bilavasitə rəhbərlik edir, həmin işlər üçün rektor qarşısında cavabdehlik daşıyır.
- Xarici ölkələrdə təhsilin quruluşunu, bəzi ölkələrdə tədris-tərbiyə işlərinin məzmun və xüsusiyyətlərini öyrənir və bununla bağlı Universitet rəhbərliyinə təkliflər verir.
- Əcnəbi tələbələr üçün dərs cədvəllərinin hazırlanmasına və dərslərin gedişinə rəhbərlik edir.
- Əcnəbi tələbələr üçün kredit sistemi ilə tədrisin təşkilinə (dərsə davamiyyət, çoxballı sistemlə qiymətləndirmə və s.) rəhbərlik edir.
- Beynəlxalq əlaqələr üzrə təlimati sənəd və əmrlərin hazırlanması işinə rəhbərlik edir.
- Əcnəbi tələbələr üzrə statistik uçotun aparılmasına rəhbərlik edir.
- Əcnəbi təhsilalanlarla bağlı əmrlərin hazırlanmasını təmin edir.
- İcrası məcburi olan əmr, sərəncam və digər yazılı göstərişləri icra edir.
- Təsisçilər Şurası, Qəyyumlar Şurası, Rektor və Elmi Şura qarşısında hesabatlar verir.
- Universitet rəhbərliyi tərəfindən ona həvalə edilmiş digər vəzifələri icra edir.
Əlaqə:
Ünvan:Azərbaycan, Bakı, İstiqlaliyyət küçəsi, 31
İndeks: AZ1001
Telefon:+994 12 492 74 18
Faks:+994 12 492 67 01
Email: vicerectorinternational@wcu.edu.az