Qərbi Kaspi Universiteti

Yüksək Texnologiyalar və Təbiət elmləri Məktəbi

Kimya üzrə fəlsəfə doktoru, Yüksək Texnologiyalar və İnnovativ Mühəndislik məktəbinin dekanı

Akademik fəaliyyətinin istiqamətləri: · Umumi kimya · YMB kimyası Təhsil və peşə fəaliyyəti haqqında məlumatlar: Quliyeva Nailə Məmmədağa qızı 21 avqust 1976-cı il Bakı şəhərində anadan olmuşdur. 1983-1993-cü illər 39 nömrəli məktəbdə orta təhsil almışdır. 1993-1997-ci illər Bakı Dövlət Universitetinin Kimya fakültəsində bakalavr təhsili almışdır. 1997-1999-cu illər isə burada magistr təhsilini davam etdirmişdir (Elmi işin adı: “Malein anhidridi, stirol və allilfenil efirinin üçlü birgə polimerləşməsinin bəzi xüsusiyyətləri”). 2000-2003 Bakı Dövlət Universitetinin Kimya fakültəsinin Yüksək Molekullu Birləşmələr kimyası kafedrasında aspirant olmuşdur. 2008-cı ildə “Malein anhidridi, stirol və allilfenil efirinin üçlü birgə polimerləşməsi” elmi işini uğurla müdafiə edərək kimya elmləri namizədi adı almışdır. BDU-nin YMB kimyası kafedrasında 2010-15 ci illərdə, 2014-17 ci illərdə isə AR Prezidenti yanında Dövlət İdarəcilik Akademiyası, “Davamli inkişafın planlaşdırılması və idarə edilməsi” kafedrasında müəllim vəzəfəsində çalışmışdır. 2018-cı ildən Qərbi Kaspi Universitetinin Təbiət Elmləri kafedrasında müəllim vəzifəsində, 2020-cı ildən Qərbi Kaspi Universitetinin Təbiət Elmləri kafedrasının müdiri vəzifəsində çalışıb. Hal-hazırda Yüksək Texnologiyalar və İnnovativ Mühəndislik məktəbinin dekanı vəzifəsində çalışır. 30 elmi məqalənın, dərs vəsaitinın, fənn proqramlarının, Azərbaycan Respublikasının patentının müəllifidır.

Yüksək Texnologiyalar və Təbiət elmləri Məktəbi

Pedaqogika üzrə fəlsəfə doktoru, dosent, İnformasiya texnologiyaları kafedrasının müdiri

Akademik fəaliyyətinin istiqamətləri: İnformatika Veb-proqramlaşdırma Kompüter tərcümə proqramları  Kompüter mühəndisliyin əsasları  Sistem proqram təminatı  Təhsil və peşə fəaliyyəti haqqında məlumatlar: 7 yanvar 1954-cü ildə Bakı şəhərində anadan olmuşdur.  1961-1971-ci illərdə Bakı şəhəri 132 saylı orta məktəbdə təhsil almışdır. 1977-ci ildə Azərbaycan Neft və Kimya İnstitutunu (indiki Azərbaycan Dövlət Neft və Sənaye Universiteti) bitirmişdir. 1971-1990–cı illərdə Bakı Dövlət Universitetinin Hesablama Mərkəzində laborant, mühəndis, böyük mühəndis, 1990-1997-ci illərdə Azərbaycan Ali Tətbiqi Elmlər Kollecində müəllim, baş müəllim, 1997-ci ildən isə Qərbi Kaspi Universitetinin İnformasiya texnologiyaları və maşınlar kafedrasında baş müəllim və dosent vəzifələrində çalışmışdır. 2007-ci ildə “İnformatika fənninin riyaziyyat və fizika ilə əlaqəli tədrisi yolları” mövzusunda namizədlik dissertasiyasını müdafiə etmiş və pedaqogika üzrə fəlsəfə doktoru elmi adını almışdır. 2011-ci ildən Qərbi Kaspi Universitetinin İnformasiya texnologiyaları və maşınlar kafedrasının müdiri vəzifəsində çalışır. 80-a yaxın elmi əsərin, o cümlədən metodik vəsait, dərslik və elmi məqalələrin müəllifidir. Elmi nəşrlər:  Abituriyentlərin və tələbələrin test edilməsi - 1995 Kompüterlə əlaqəli tədrisin bəzi məsələləri - 1996 Proqlaşdırma texnologiyasının kompüterlə əlaqəli tədrisə tətbiqi - 1996 Müasir həyatda kompüter və tədris - 1996  "İnformatika" tədrisi üzrə təcrübə - 1997 Kompüter təhsilində kompüter dəstəyi təlimatı -1997 Fizika məsələlərin həllində kompüterdən istifadə edilməsinin müəyyən xüsusiyyətləri - 1999 "İqtisadi informasiyanın kompüter texnologiyası" kursu proqramı - 1998 İnformatika və hesablama texnikasının əsasları fənninin digər fənlərlə əlaqəli tədrisinin bəzi məsələləri - 1999 "Sistem proqramı" üzrə kurs proqramı- 1999 İnformatika ve hesablama texnikasının əsasları fənninin digər fənlərlə əlaqəli tədrisinin bəzi məsələləri - 2000 "Alqoritmləşdirmə və proqramlaşdırma" üzrə kurs proqramı - 2000 "Proqram paketləri" proqramı - 2000 İnformatika təhsili metodikasında bəzi elementlər - 2001 Şagirdlərin biliklərinin yoxlanılması - 2001 Alqoritmiləşdirmənin əsas elementləri - 2001 Turbo Pascal dilində xətti proseslərin proqramlaşdırılması - 2001 Mövqe məsələlərinin həllində tətbiq olunan üsullar - 2001 İnteraktiv rejimdə şagirdin avtomatlaşdırılmış testi - 2002 VPX proqram kabuğunu istifadə edərək məlumat bazalarının inkişaf etdirilməsi - 2002 ”Kompüter texnikası və proqramlaşdırma” kursu üzrə   proqram - 2003 İnformatikadan 250 test - 2003  Tərsimi həndəsə mövzularının kompüterdə yerinə yetirilməsinin əsas şərtləri - 2003  İnformatika dərslərində iqtisadi məsələlərin həllindən istifadə - 2005  İnformatika və informasiya texnologiyaları fənninin fizika ilə əlaqəli tədrisinə dair - 2006 İnformatika və informasiya texnologiyaları fənninin tədrisində bəhsdaxili, bəhslərarası və bölmələrarası əlaqələrin təşkili - 2006  İnformatika fənni ilə riyaziyyat fənni arasında əlaqənin yaradılması - 2007 Fənlərarası əlaqə təlimdə inteqrasiya proseslərinin ifadəsi kimi - 2007  Tədris prosesində fənlərarası əlaqələrdən istifadəyə dair - 2007 İnteqrasiya proseslərinin tədrisə tətbiqinin bir variantı haqqında - 2008 İnformatika fənni üzrə praktik tapşırıqlarn yerinə yetirilmə yolları - 2009 İnformatika fənninin tədrisində riyaziyyat fənni elementlərin­dən istifadə fənlərarası əlaqə­nin yaradılması üçün bir zəmindir - 2011 İnformatika dərslərində iqtisadi məsələlərin həllindən istifadə - 2012 Maliyyə iqtisadi məsələlərin MS Excel elektron cədvəlində yerinə yetirilməsinin yolları - 2012 İnternet jurnalistikası - 2012 İnformatika fənni üzrə praktik tapşırıqların yerinə yetirilmə yolları - 2013 Maliyyə bazarlarında proqram təminatı ilə həll edilən bəzi məsələlər -2015  Siyahı strukturları - 2015 Proqramlaşdırma dilləri və informatika - 2016 Müasir proqramlaşdırma dilləri - 2016 İnformatika və geoinformatika - 2016 Proqramlaşdırmanın əsasları - 2016 Coğrafi informasiya sistemləri - 2017 Rabitə kanalları və siqnalların işlənməsi – 2017 İnformatika (metodik vəsait) - 2020 Fənlərarası əlaqələrdən istifadə etməklə Veb proqramlaşdırma mövzularının izahında sığorta tariflərinin hesablanması – 2022. Interdisciplinary relationships Integrated into learning - 2022 Verilənlərin  Analitik Emalı və Məlumat Təhlili Metodları – 2022 Использование межпредметных связей в частности вычислений страховых тарифов при объяснении тем веб-программирования - 2022  

Yüksək Texnologiyalar və Təbiət elmləri Məktəbi

Fizika üzrə fəlsəfə doktoru, Mexanika və riyaziyyat kafedrasının müdiri

Akademik fəaliyyətinin istiqamətləri: Elektrotexnika Mexatronika Təhsil və peşə fəaliyyəti haqqında məlumatlar: Rüstəmova Dürdanə Fərhad  qızı 15 yanvar 1963-cü il Kəlbəcər rayonu Qılışlı kəndində  anadan olmuşdur. 1970-1980-ci illər Qılışlı kənd məktəbində orta təhsil almışdır. 1981-1986-cı illər Azərbaycan Texniki Universitetinin Elektrotexnika fakültəsində mühəndis elektrik təhsili almışdır. 1986-2004-cü illərdə Bakı şəhəri, “Neftqazavtomat” təcrübə zavodunda texnoloq, sazlayıcı mühəndis işləmişdir. 2004-2010-cu illərdə Azərbaycan Beynəlxalq Universitetində baş müəllim, 2010-2020-ci illərdə Dövlət Sərhəd Xidmətinin və Fövqalədə Hallar Nazirliyinin Akademiyalarında müəllim vəzəfəsində çalışmışdır. 2010-cu ildə Radiasiya Problemləri İnstitunda aspirant olmuşdur. 2016-cı ildə “Polimer kompozitlərin elektroaktiv xassələrinə maqnit sahəsinin və γ-şüalanmanın təsiri” elmi işini uğurla müdafiə edərək fizika elmləri üzrə fəlsəfə doktoru adını almışdır. 2020-cı ildən Qərbi Kaspi Universitetinin Yüksək Texnologiyalar və İnnovativ Mühəndislik məktəbinin dekan müavini vəzifəsində çalışıb. 2021-cı ildən Qərbi Kaspi Universitetinin Mexanika və riyaziyyat kafedrasının müdiri vəzifəsində çalışır. 39 elmi məqalənın, dərs vəsaitinın, fənn proqramlarının, müəllifidır.

Yüksək Texnologiyalar və Təbiət elmləri Məktəbi

Texnika elmləri üzrə fəlsəfə doktoru, dosent

Qərbi Kaspi Universitetinin müəllimi Yahyayev Aydin Bilal oğlu 1958 -cı ildə anadan olmuş, 1981-cı ildə Azərbaycan Mühəndis İnşaat İnstitutunun ‘’İnşaat texnologiyasi’’ fakultəsinin bitirmişdir. 1981-1986- cı illərdə Baki Yerli Sənayə Texnoloji Texnikumunda ixtisas fənn müəllimi işləmişdir .1986-1989-cı illərdə Belarusiya Texnologiya İnstitutunun əyani aspiranturasında təhsilini davam etdirərək 1990-cı ildə namizədlik dissertasiyasını müdafiə edərək texnika elmləri namizədi elmi dərəcəsi almışdır .1992-2022 -ci illərdə Azərbaycan Memarliq və İnşaat Universitetinin ‘’Materialşunaslıq’’kafedrasının dosent vəzifəsində çalışmışdır.2018- 2019 tədris ilindən əvvəlcə saat hesabı ,2022 -ci ildən isə Qərbi Kaspi Universitetinin ‘’Təbiət elmləri ‘’kafedrasının tam ştat üzrə dosenti vəzifəsində çalışır.2022 -ci oktyabr tarixində Böyük Qafqazın fıstıq ağaclıglarının formalaşması və istifadəsinin ekoloji-meşəçilik xüsusiyyətlıri (Quba meşə rayonu) mövzusunda elmlər doktorluğu dissertasiyasını müdafiə etmişdir.Bu münasibətlə Universitetinin müəllim və professor heyəti tədris edir

Yüksək Texnologiyalar və Təbiət elmləri Məktəbi

Biologiya üzrə fəlsəfə doktoru, Təbiət Elmləri kafedrasının müdiri

Akademik fəaliyyətinin istiqamətləri: · Biokimya · Fiziologiya · Genetika Təhsil və peşə fəaliyyəti haqqında məlumatlar: Ağayeva Səltənət Ərşad qızı 01 yanvar 1972-ci ildə Qubadlı rayonunda anadan olmuşdur. 1989-1994-ci illər Azərbaycan Dövlət Pedaqoji Universitetinin Kimya-Biologiya fakültəsində, 2007-2010-cu illərdə AMEA Fiziologiya İnstitutunda doktorant kimi təhsil almışdır. 2012-ci ildə “Beyin strukturlarında monoamine ergik sistemin aktivliyinə elektromaqnit dalğaların təsiri” elmi işini müdafiə edərək biologiya üzrə fəlsəfə doktoru elmi dərəcəsinə layiq görülmüşdür. 2007-2016-cı illərdə AMEA Fiziologiya İnstitutunda elmi işçi, 2016-cı ildən indiyədək Genetik Ehtiyatlar İnstitutunda “Biokimyəvi genetika və genomika” şöbəsində aparıcı elmi işçi vəzifəsində çalışır. 2003-2021-ci illərdə ADPU-nun nəzdində ADPK-nun və ADPU-nun Quba filialında “Təbiət elmlərinin tədrisi metodikası” kafedrasının baş müəllimi, 2018-ci ildən Qərbi Kaspi Universitetinin “Təbiət Elmləri” kafedrasında saathesabı müəllim vəzifəsində çalışmışdır. 2022-ci il aprel-oktyabr ayları Xəzər Universitetinin “Həyat elmləri” departamentinin müdiri vəzifəsində işləmişdir. Hal-hazırda Qərbi Kaspi Universitetinin Yüksək Texnologiyalar və İnnovativ Mühəndislik məktəbində “Təbiət Elmləri” kafedrasının müdiri vəzifəsində çalışır. 50 elmi məqalənın, fənn proqramlarının müəllifidır.

Yüksək Texnologiyalar və Təbiət elmləri Məktəbi

Biologiya üzrə fəlsəfə doktoru

Akademik fəaliyyətinin istiqamətləri: Biologiya Fiziologiya Təhsil və peşə fəaliyyəti haqqında məlumatlar: Hümbətov Mahmud Fərzəli oğlu 25 sentyabr 1954-cü ildə Gürcüstan Respublikasında anadan olmuşdur. 1971-1975-ci illərdə Gəncə Dövlət Universitetinin kimya-biologiya fakültəsinin biologiya müəllimliyi ixtisasını bitirmişdir. 1975-1977-ci illərdə Kəlbəcər rayonunda müəllim işləmiş, 1978-ci ildə AMEA A. Qarayev adına Fiziologiya İnstitutunun aspiranturasına qəbul olmuş, 1984-cü ildə “Kür çəkisi və Ağ amur balıqlarının hibridlərinin alınması və erkən ontogenezdə onların inkişaf şərtlərinin müqayisəli öyrənilməsi” adlı dissertasiya işini müdafiə edərək biologiya elmləri namziədi elmi dərəcəsinə layiq görülmüşdür. 1984-1988-ci illərdə həmin institutunda elmi işçi, 1988-1990-cı illərdə Kənd Kimya Birliyində şöbə müdiri vəzifəsində çalışmışdır. Müxtəlif illərdə Xarici Dillər Universitetində, Tibb Universitetində, Zəngi liseyində və hazırlıq kurslarında müəllim kimi fəaliyyət göstərmişdir. 2019-cu il sentyabr ayından 2022-ci il sentyabr ayınadək Lənkəran Dövlət Universitetində Biologiya və Ekologiya kafedrasında əvvəlcə baş müəllim sonra isə dosent vəzifəsində çalışmışdır. 2022-ci ilin sentyabr ayından Qərbi Kaspi Universitetinin Təbiət elmləri kafedrasının ştat müəllimi kimi fəaliyyət göstərir. 20-əqədər elmi məqalənin və fənn proqramlarının müəllifidir.

Yüksək Texnologiyalar və Təbiət elmləri Məktəbi

Riyaziyyat üzrə fəlsəfə doktoru, dosent

Akademik fəaliyyətinin istiqamətləri: Hesablama riyaziyyatı ; Diskret riyaziyyat; Proqramlaşdırma; İnformatika Təhsil və peşə fəaliyyəti haqqında məlumatlar: 1966-cı il, aprelin 21-də Bakı şəhərində anadan olub.1973-1983-cü illərdə Bakı şəhərinin 13 saylı orta məktəbində təhsil alıb.1983-1988-ci illərdə BDU-nun Mexanika-riyaziyyat fakültəsinin əyani şö­bə­sin­də təh­sil alıb və həmin fakultəni 1988-ci ildə fərqlənmə diploma ilə bitirib. BDU-nun 1988-1991-ci ildə Mexanika-riyaziyyat fakültəsinin aspirantı olub.1992-ci ildə riyaziyyat üzrə fəlsəfə doktoru dərəcəsini təsdiqləyib. 1995-ci ildən  riyaziyyat üzrə fəlsəfə doktoru, dosent olmuşdur.1986 -cı ildən BDU-nun Tələbə Elmi-Tədqiqat Konstruktor Bürosunda riyaziyyatçı kimi çalışmağa başlamışdır. 1991-ci ildən BDU-da müəllim kimi çalışır. 100-dən çox elmi məqalənin, ali məktəblər üçün 22 tədris proqramının, 10 dərs vəsaitinin və 1 dərsliyin  müəllifidir.

Yüksək Texnologiyalar və Təbiət elmləri Məktəbi

Fizika-riyaziyyat üzrə fəlsəfə doktoru

Akademik fəaliyyətinin istiqamətləri: diferensial tənliklər mexanika Təhsil və peşə fəaliyyəti haqqında məlumatlar: Tağıyev Rauf Mürsəl oğlu 10 may 1954 – cü ildə Zəngəzur mahalının Qafan şəhərində anadan olmuşdur. 1961-1970 – ci illərdə orta məktəbdə təhsil almış, 1970-1975 – ci illərdə Azərbaycan Dövlət Universitetinin mexanika-riyaziyyat və tətbiqi riyaziyyat-mexanika (1972-1975) fakultələrində təhsil almış, Universiteti bitirdikdən sonra təyinatla Azərbaycan Elmlər Akademiyasının Kibernetika İnstitutunda əmək fəaliyyətinə başlamışdır. 1983 – cü ildə Azərbaycan İnşaat mühəndisləri institutuna dissertant qəbul edilmiş, 1986 – cı ildə “Oxu boyunca prizmatik boşluqları olan brusun burulma məsələsi” mövzusunda namizədlik dissertasiyası müdafiə etmişdir. Elə həmin ildə ona fizika-riyaziyyat elmləri namizədi elmi dərəcəsi verilmişdir. 1980 – ci ildən 1986 – cı ilədək Azərbayacan Dövlət Universitetinin Elmi-tədqiqat Hesablama mərkəzində, 1986-1992 – tarixlərində ADU – nun tətbiqi riyaziyyat fakultəsinin riyazi-fizika tənlikləri, 1992-1996 – illərdə həmin universitetin mexanika-riyaziyyat fakultəsinin ali riyaziyyat kafedrasında baş müəllim vəzifəsində çalışmışdır. 1996-2020 – ci illərdə həmin kafedrada əvəzçilik yolu ilə yarım ştat baş müəllim vəzifəsində pedoqoji fəaliyyətini davam etdirmiş, 2020-2022 – ci illərdə isə saat hesabı yolu ilə Bakı Dövlət Universitetinin Ali riyaziyyat kafedrasında Ali riyaziyyat, ehtimal nəzəriyyəsi və riyazi statistika fənlərindən dərs aparır. 29 çap olunmuş elmi məqalənin müəllifidir. 4 oktyabr 2022 – ci il tarixindən Qərbi Kaspi Universitetinin mexanika və riyaziyyat kafedrasının müəllimidir.